Mobilni i Tehnologija

Новата генерација на bluetooth наочари од Motorolа - "O ROKR Pro", според најавата на електронските медиуми, наскоро ќе можат да се најдат...

... во продажба.

И покрај тоа што се идеална заштита од сонце, овие наочари истовремено имаат вградено и стерео слушалки, преку кои можете да разговарате со соговорникот или можете да слушате музика преку "streaming" опциите.

Наочарите можат да се полнат преку USB кабел, или преку адаптер, а батеријата ќе ви овозможи 5 часа разговор.

amsung тргна по златото! Тие штотуку ја промовираа специјална верзија на P318+ обложена со 18 каратно злато. Моделот е направен...

... по повод олимписките игри , и е наменет за олимписките фанови.

Покрај златото кое асоцира на победничкиот медал, ќе содржи олимписки теми, ринг тонови и видеа.

Освен промоцијата на овој "олимписки телефон", Samsung сеуште нема објавено никакви детали за почетокот на продажбата или неговата цена.

Популарниот бренд Hummer кои низ светот е познат по своите единствени теренски возила, го презентираше нивниот нов производ - мобилниот...

... Hummer HT1.

Чудно е што Hummer не влезе во овој бизнис со ниеден производител на мобилни, како што правеа досега брендовите кои влагаа во мобилната телефонија. Телефонот е изработен од францускиот производител "Modelabs".

Телефонот е од типот на слајд телефони на лизгање и доаѓа во три варијанти - маскирна, жолта, и сива.

Главните перформанси на овој апарат се голем 2.2 инчен дисплеј, 2 мп камера, microSD слот, и 256 мегабајти вградена меморија. Зачудувачки е и најавената ниска цена за вака опремен телефон, која би се движела околу 300еу.

По долг период, Моtorola конечно го објави вистинскиот наследник на оригиналниот RAZR. За разлика од својот претходник, RAZR 2 нуди многу повеќе...
.. и не е само обичен “fashion“ телефон. Новиот модел е 2мм потенок, а куќиштето е изработено од доста издржливи материјали како алуминиум, хемиски обработено стакло и нерѓосувачки челик.

Motorola RAZR 2 напредна и во однос на карактеристиките. Внатрешниот главен дисплеј е со димензии од 2.2 инчи и стандарадна QVGA резолуција, а надворешниот секундарен TFT дисплеј е со големина од дури 2 инчи - убедливо најголем надворешен дисплеј кога станува збор за моделите на преклоп.

Меѓу останатите стандардни карактеристики и функции, RAZR 2 може да се пофали со 2 мегапиксели камера, HTML интернет пребарувач, 3G, надворешни копчиња за музика, тактилна тастатура, bluetooth 2.0, синхронизација со Windows Media Player.

Нова и интересна функција и новата наречена “Crystal Talk“ опција која додека разговарате автоматски го подесува нивото на гласност во зависност од амбиенталните звукови во позадина.

Новиот “жилет“ на Моторола ќе се продава на глобално ниво во неколку различни верзии -за Европа во EDGE и HSDPA варијанта а за американскиот пазар со поддршка за EV-DO мобилната мрежа.

Во однос на софтверот некои од верзиите на Motorola RAZR 2 ќе функционираат на новиот Java Linux оперативен систем.

GSM верзиите ќе се појават на пазарот почнувајќи од Јули, додека останатите ќе треба да почекаат до крајот на летото.

Вкупно 252 милиони нови мобилни телефони се продадени во светот во текот на првите три месеца од оваа година (скоро 3 милиони дневно!)...

Најголем дел од новите мобилни се од марката Nokia.

Финскиот произведувач за три месеца продаде повеќе од 90 милиони телефони, што значи дека продаваат неверојатни еден милион мобилни телефони дневно!

Според "Strategy Analytics" на Nokia и се исплатеше ориентацијата на музичките, и телефоните со интернет, затоа што побарувачката за нив константно расте.

Најголем раст во продажбата постигна Sony Ericsson, кој има зголемување од 47% брагодарејќи на "Walkman" музичките телефони.

Помина долго време откако HTC го издаде својот прв Pocket PC телефон во 2002 година, но конечно со нивниот најнов модел го оправдаа сопственото име...

... - High Tech Computer, бидејќи најновиот модел е многу повеќе од Pocket PC телефон. HTC Shift е т.н. UltraMobile PC (UMPC).

Оние што се запознаени со овој тип на мобилни уреди знаат дека досега повеќе компании си ја испробаа среќата со представување на UMPC модели, меѓутоа релативно неуспешно поради низа фактори како дизајн, карактеристики, функции, можности и слично.

Но, по се изгледа дека HTC погодија точно во целта и го дефинираа поимот ултра мобилен компјутер. И без многу филозофирање бидејќи фактите зборат сами за себе, оставаме сами да процените дали ова е иднината на ултимативниот се во едно мобилен уред.

Дел од неверојатните карактеристики се:

- 1.2GHz CPU
- Windows Vista оперативен систем (Aero)
- 7 инчен дисплеј осетлив на допир (лизгачки механизам под агол при што се открива комплетна QWERTY тастатура
- 30GB хард-диск
- Tri-band UMTS/HSDPA (3.5G)
- quad-band GSM/GPRS/EDGE
- WiFi, Bluetooth 2.0
- Biometric reader, камера

Цената сеуште не е позната, но се очекува да биде под 2000 долари.

Nokia отсекогаш била позната и по мобилни телефони специјално дизајнирани за модно-освестените купувачи на кои пред се им се важни и...

... изгледот и стилскиот момент, односно перцепцијата на мобилниот телефон како моден детал.


Овојпат, Nokia ги здружи силите со модниот дизајнер Giambattista Valli кој го редизајнираше моделот 7373 од L`Amour серијата.

Nokia 7373 од самото појавување предизвика голем интерес кај понежниот пол, меѓутоа сега кога Valli ја надополни со грациозни детали како бисерни ѓерданчиња, привезоци, елегатни ташнички и секако минијатурната костурска глава, 7373 дефинитивно ќе биде хит кај младата трендовска популација.

“...исто како кај моите фустани, чевли или накит, Nokia 7373 Special Edition го прати стилот на мојата колекција и станува дел од комплетниот имиџ“ истакна Valli на прес-конференцијата.

Nokia 7373 Special Edition ќе биде претставена на парискиот fashion-week во две варијанти - розева и хромирано црна, со преинсталирани позадини од Valli, слики и ексклузивана мелодија.

Nokia 7373 ќе биде достапна само во „одбрани“ европски земји по цена од 280 евра.

Технологијата со огромно темпо оди напред. Па така денес за сите оние кои стравуваат дека ќе се изгубат при прошетката, пристигнуваат патики...

... со GPS систем за позиционирање. Авторот на овие „хај-теч“ обувки, 38-годишниот инженер Исак Даниел, убеден е дека неговиот изум ќе овозможи спасување на животи.

Чипот вметнат во патиките овозможува локализирање на сопственикот каде и да се наоѓа во светот. Системот функционира благодарение на батериите што се полнат со мини УСБ конектор.

Според Даниел, обувките со вграден систем за глобално позиционирање (GPS) ќе помогне во пронаоѓањето на изгубени деца или пак заталкани планинари.

Патиките со GPS ќе се најдат во продажба од мај или јуни по цена во ограничена серија од 1000 примероци. Моделот е наречен GPS Compass, а повеќе детали може да погледнете на официјалната страница www.isaacdaniel.com

Интернетот за Европејците стана едно од основните средства за информирање и за изминатата година ги надмина печатените медиуми. Граѓаните на Европската унија во просек минуваат четири часови неделно на интернет, а три, читајќи дневни весници...

... или списанија, покажаа резултатите од анкетата на американската истражувачка компанија “Јупитер Рисрч“.

Сепак, телевизијата и натаму го зазема првото место во информирањето на Европејците, кои и натаму минуваат три пати повеќе време пред ТВ екраните, отколку сурфајќи на интернет, покажало истражувањето во кое биле анкетирани пет илјади луѓе во Велика Британија, Франција, Германија, Италија и Шпанија.

Жителите на ЕУ во 2003 година минувале само два часа неделно на интернет, чие користење и натаму зависи од староста на испитаникот и пристапот на мрежата со голема брзина.

Во Франција, која има најдобар пристап до интернет со голема брзина, е забележана најголема стапка на користење на мрежата, додека Германија, каде ситуацијата е обратна, се наоѓа на дното на скалилото.

Ако се земе предвид дека Сониевата играчка конзола PlayStation Portable на пазарот е присутна уште од 2004 година, не чуди информацијата дека се планира излегување на нов уред. Идната пролет на пазарот би требало да се појават два нови модела на ПСП, едниот...

...карактеристичен по 8 ГБ флеш меморијата, а другиот по вградениот хард диск со се уште непознат капацитет. Некои извори наведуваат дека конзолите би можеле да имаат дури и некои од помодерните и невообичаени додатоци за играчки конзоли како на пример ГПС и веб камера.

За цената се знае само дека границата е 200 долари, т.е. моделот со с 8 ГБ ќе чини помалку од 200 долари додека моделот со хард-диск ќе чини повеќе од оваа сума.

Овој "фото-мобилен" премиерно е претставен на овогодишниот CeBit, а во однос на претходно претставениот модел од 7 милиони пиксели (Samsung SCH-V770) потанок е дури за 6 милиметри и 10 грама полесен, а од сличните уреди на пазарот ќе се разликува и со поддршката за...

...репродукција на сателитските ТВ програми.

Освен што се работи за моментално најнапреден мобилен фото хибрид, Samsung SCH-B600 воедно е телефон со поддршка за пренос на ТВ програма.

Уредот има можност за безжично поврзување, MP3 плеер, стерео звучници, читач на бизнис картички и прегледник на документи.

Квалитетот на фотографиите направени со фотоапаратот на моделот B600 споредлив е со квалитетот на оние снимени со дигитални апарати со иста резолуција, а за оптимален приказ, има уште додатоци, трипати оптичко и петпати дигитално зголемување (zoom), автоматски и мануелен фокус, потоа голем и прегледен TFT LCD екран во 16 милиони бои.

Samsung, не заборави да го опреми својот најнов топ-модел ниту со можноста за безжично поврзување, така што сопствениците на овој модел ќе можат директно да ги испраќаат фотографиите и другите мултимедијални податоци...

Тука е и MP3 плеерот, стерео звучниците, читачот на бизнис картички, прегледникот на докумнти, и простор за проширување на меморијата по пат на MMCmicro мемориска картичка.

Уредот за сега може да се најде само на матичниот, корејски пазар по цена од 900 долари (околу 45 000 денари) а зависно од интересот на корисниците и операторите, Samsung ќе направи и европска верзија.

Луксузен мобилен телефон наречен "Black Diamond" дизајниран од Јарен Гох, а направен во швајцарската компанија VIPN, е понуден на продажба по цена од 300.000 долари. Навигаторот на мобилниот телефонот е направен од голем 0,25 каратен дијамант, додека мали...

... дијаманти ги красат останатите копчиња вградени во телефонот, направен од титан. Телефонот исто така ја менува бојата од сребрена до црна кога не е во употреба.

Според најавите, само пет нумерирани примероци од тој мобилен телефон ќе се (произведат) најдат на пазарот на почетокот на идната година. Засега интерес за мобилниот телефон покажале тројца Американци, еден Русин и султанот на Оман.

Изработен најтенкиот мобилен телефон на светот

Израелската компанија “Modu“ основана 2007 година ќе го понуди на пазарот најтенкиот мобилен телефон на светот „Modu mobajl“, тежок 40 грама, долг 72 и широк 37 милиметри.

Иако е многу мал, овој мобилен телефон ги поседува сите функции како било кој софистициран мобилен телефон - можност за снимање, Bluetooth, MP3 плеер, како и еден гигабајт меморија.

Како што пренесуваат француските медиуми, овој телефон веќе го порачале италијанскиот мобилен оператор „Telekom Italija“, руски „BiLajn“, како и израелски „Cellcom“. Апаратот ќе биде испорачан во октомври.