Filmovi i Nesto za niv

Pa sega ke vi dadam nekolku predlozi koi onaka vrteki go pronajdov i se novi filmovi pa i ke potrudam sekogas da ima ponesto za nekoe dobro novo filmce ako znaete nekoj dobar film pisete go pa moze da go gledame i nie normalno ako toa ni go dozvolite

Superhero Movie
"Superhero Movie" ја имаше својата премиера на 28-ми Mapт и моментало се наоѓа на третото место на Амриканскиот Box Office со заработувачка од 9,8 милиони долари. Филмот е пародија на големите светски хитови како што се Spiderman, Fantastic Four, Batman Begins итн.... Во оваа комедија удел имаат креаторите на Scary Movie и Naked gun.

Режија: Craig Mazin

Улоги: Drake Bell, Sara Paxton, Christofer McDonald, Leslie Nielsen

"The Bank Job"
Филмот "The Bank job" претставува одличен крими-трилер со Jason Statham во главната улога. И покрај тоа што се наоѓа на осмото место на American Box Office филмот доби одлични критики. Во овој филм е претставен грабеж на банка односно на просторијата со приватни сефови во кои што има милиони долари, накит и сл. Но ограбувачите незнаат дека во сефовите има валкани тајни заради кои тие ќе бидат во уште поголема невоља.

Режија: Roger Donaldson

Улоги: Jason Statham, Saffron Burrows, Daniel Mays

"Укради го овој филм" на Сподели Кино
Ова е вториот дел од документарецот за најголемата веб-страница за индексирање на дигитални содржини, Пиратскиот залив (The Pirate Bay). Во филмот се дискутираат технолошките и културолошките аспекти на војните за авторските права и импликациите на Интернет-технологиите врз можностите за копирање содржини. Се коментира за изјавата на Марк Гети дека „интелектуалната сопственост е нафтата на дваесет и првиот век“ која се толкува како отворен повик на војна.

Во филмот се појавуваат администраторите на Пиратскиот залив, членови на Пиратската партија и многу интелектуалци кои се свесни за импликациите на новите технологии како и за стравувањата дека новите технологии го загрозуваат развојот на културата и општеството (што не се случило со претходните појави на нови технологии, а нема да се случи ни сега).

Филмот е сниман на надворешен тврд диск од 250 GB си позајмена HD видеокамера и се разбира со симнат (downloaded) софтвер за видеоуредување.

Погледнете го филмот. Научете зошто и едноставното зборување меѓу двајца е КОПИРАЊЕ!...

http://www.stealthisfilm.com/Part2/

Р.Ѕ. Овој филм не е достапен на физички медиуми затоа што авторите немаат канцеларија, немаат опрема за преснимување и филмот е достапен преку Интернет и е со висок квалитет и... нели е веќе време да се научите како да користите БитТорент?!

Италијански криминал и мафија
Ретроспектива на италијанскиот филмски режисер Џузепе Ферара започна во понеделникот (17.03) во Кинотека на Македонија. Веќе в петок се очекува во Македонија да пристигне и самиот Ферара, човек кој има работено со имиња како Микеле Плачидо, Џанкарло Џианини... Режисерот ќе присуствува на проекцијата во петок (20 ч.), а во сабота (11 ч.) ќе одржи и конференција на скопскиот Универзитет.

Вечерва ќе игра "100 дена во Палермо", а ќе бидат прикажани и "Случајот Моро", "Банкарите на бога" и "Гвидо кој ги предизвика Црвените бригади".

Филмовите на Ферара ја пресликуваат италијанската историја на 50-тите години, давајќи една многу жива претстава за најзначајните проблематики кои ја засегале и се уште ја засегаат Италија: организираниот криминал и тешката борба против него, корупцијата и тероризмот со политичка заднина...

Оваа програма претставува и предфестивалска најава за она што ќе се случува на претстојниот Скопски филмски фестивал, кој е еден од организаторите, заедно со Кинотека и Амбасадата на Италија во Скопје.

"21"
Веќе втора недела по ред со вкупна заработвачка од 45 милиони долари филмот "21" се наоѓа на првото место на Американскиот Box Office. Во овој филм обработена е приказна во која шест студенти се обучени да бројат карти а со тоа во Вегас тие успеваат да земат милиони.

Режија: Robert Luketic

Улоги: Jim Sturgess, Kevin Spacey, Kate Bosworth

"Скопје и се е можно"
Од 7ми до 11ти април во салата Фросина со почеток во 20.00 часот ќе се прикажува документарниот филм “Скопје и се е можно“ на авторот Соња Ризова Јовановска. Авторот на филмот е Виш научен соработник во Институтот за Социологија и култура.

Основната цел на филмот СКОПЈЕ И СЕ Е МОЖНО е да се претстават елементите на секојдневниот живот од научен, културен, историски, социолошки и економски аспект. Тоа подразбира, визуелно да се доловат модалитетите на етничкиот соживот, верската (не)толеранција и (не)можноста да живеат сите етнички заедници со сите притисоци и предрасуди кои се присутни на различни нивоа. Всушност, треба да покажеме каков модул на комуникација изградиле граѓаните на Скопје, што е тоа што ги зближува или дистанцира луѓето од различни нации, религии, родови, возрасти, различни културни средини и социјални структури.

Во филмот ќе биде направен пресек на повеќе нивоа на свеста на обичниот човек, на познати и заслужни личности кои преку својата заложба и уметност дале или даваат посебен културен белег за градот Скопје за да се надминат сите препреки на општа или институационална комуникација.

Ќе биде користена музика од многу музичари кои пееле за Скопје од различни националности како и од различни културни средини за да се покаже дека не постои никаква граница меѓу луѓето и дека во името на градот и културните белези на соединување на сите ГРАЃАНИ НА Скопје ќе успееме да го доближеме градот Скопје поблиску до светот.

Скопје и се е можно е идеална формула за претставување на одредени нивоа на свеста кај луѓето кои живеат во Скопје, како и начините кои ги користат свесно или несвесно во надминувањето на границите на верско, национално, социјално, родово и просторно ограничување.

Преку визуелната презентација всушност ќе биде претставена нашата урбана култура со сите секојдневни елементи на лошото и доброто, како и посебноста на културниот простор како што е Скопје како еден шаренолик мозаик кој важи за значаен сегмент не само во Македонија, туку и во културната политика на Балканот.

Цената на билетот за проекциите чини 50 денари.

Процесот „Змиско око“ во импровизирана судница

Наместо во судница „Змиско око“ во кино сала. Автобуси со обвинети, внатре се влегуваше еден час. Редици од адвокати и семејства на обвинетите чекаа долго за да влезат на судењето.

„Можете да замислите каков е односот кон обвинетите, ги носат со автобуси, со калашникови, со маскирани полицајци. На никого тоа не му е потребно“, рече Александар Тортевски, адвокат.

Иако, почна со задоцнување од еден час, адвокатите бараа пауза. Немаше услови внатре, дел беа разделени од клиентите. Се бараше повеќе кислород и простор за работа.

„Ова е кино сала, амфитеатарски тип, пред нас нема маса“, вели Милорад Мартиновски, адвокат.

Адвокатите се заканија, ако не се раздели предметот на повеќе делови и ако не се обезбедат услови ќе се откажат од предметот „Змиско око“.

„Ако прифатиме ваква да се работи и понатаму, на еден начин ќе бидеме и ние соучесници. Условите за одбрана се знаат какви треба да бидат. Ние немаме елементарни услови, обвинението да го ставиме пред нас“, рече Мирослав Вуиќ, адвокат.

Процесот почна речиси пет часа подоцна. Се чекаше полицијата од Кондово да донесе четворица обвинети кои судот два дена по апсењето ги пушти да се бранат од слобода.

Донесоа тројца од нив, за после да се констатира дека фалат уште тројца на ќе им се суди во отсуство. Дел од семејствата, пак, воопшто не можеа да влезат. Немало место за нив.

„Ние како најблиски на обвинетите во овој судски процес, скратено ни е правото да присуствуваме на самиот чин на судењето“, изјави Славе Ников, роднина на обвинет.

За најголемиот судски процес досега, поради немање простор судот алтернативата ја виде во салата на Царинската Управа. Се покажа дека не е соодветно решение.

Обвинетите кои беа уапсени во неколку фази, се наоѓаат во притвор речиси пет месеци. Обвинети се дека од патарините присвоиле пет милиони евра.

Семејствата, пак велат, „монтиран политички процес и празнење на работни места за невработените партиски кадри“.